كثير لما بنكون مضايقين أو مضغوطين بندور على حاجات نخرج فيها الطاقة السلبية اللى جوانا .. مثلا نخرج خروجة حتى لو مع ناس مش بنحبهم قوى بس أهو ما أحنا مش عارفين نعمل إيه :( .. ممكن نحط همنا فى أكل الشيكولاته و شرب البيبسى مثلا :) .. فيه طرق كثير .. منها الشرعى والعادى و منها اللى مش شرعى و مش عادى زى شرب المخدرات والكحوليات و غيرة
كل الحاجات دى بتدى لذة ..كاننا فيها بنخرج حاجة مكبوته جوانا .. الحاجة الغريبة اللى عرفتها من يومين بس أن الشتيمة والتريقة برده بتدى لذه و أنى لما أكون متغاظ من حد و مش أقادر أتعامل مع نفسى و مع اللى جوايا .. هشتم أو اتريق ... بصرف النظر عن إيه اللى حصل .. لأن ده مش موضوعنا .. اعتقد أن دى معلومة مهمة أن الشتيمة ممكن تبقى بتلذذنى زى الحاجات التانية .. مأنا بيها بخرج الغضب اللى أنا كبته ومش عارف أتعامل معاه واللى بيمثل المشكلة الأكبر :) .. الشتيمة عاده زى اى حاجه تانى ولو متعملتش معاها هتزيد و هبقى على أقل حاجه ممكن أستخدمها و مع إي حد ..
ليست هناك تعليقات:
إرسال تعليق
,,